“Camín de Cantares” outra vuelta en tierras llionesas

Camín de cantares, el programa sobre la música y el cantare tradicional de la televisión asturiana, achegóuse’l pasáu outuenu a las comarcas al sur del Cordal Cantábricu la Tierra de Miranda (Portugal),Peñaparda y L.laciana.Nas tierras mirandesas, Xosé Ambás, falóu y pescudióu aspectos de las tradiciones y folclore de la rexón nel puebru de Custantin, faciendo sonar la gaita mirandesa con el passacalhes, La Carolina, Adelaide y la jota alistana, tan nuesa y espurrida por outros llugares cercanos.

http://www.youtube.com/watch?v=hIwmQbCQ0II

Nel outru episodiu, adrentóuse na Sierra de Gata, concretamente en Peñaparda, onde s’afondóu na fala tradicional: la palra d’El Rebollar, y los cantares tradicionales cumo l’ajecháu, el salteáu y el corríu brincáu.

http://www.youtube.com/watch?v=cHSq9wDPrHE

L.laciana:

http://www.youtube.com/watch?v=cUtUTn8xb8E

Camin de Cantares en Codesal (La Carbayeda)

Cun recital n’Alistanu.

Convocáu’l III certamen lliterariu en patsuezu

El 4 de febreiru, el Club Xeitu convocóu una ñueva edición del sou certamen lliterariu en patsuezu “Guzmán Álvarez”. La principal novedá d’esti añu yía la unificación de las dúas modalidades anteriores nuna sola.

Las obras han de presentase enantes del 15 de mayu. El xuráu evaluarálas y fará públicu’l resultáu nel mes de santamarina entregándose los premios a lo llargo del branu nel Recital de Patsuezu.

Las bases pueden consultase na páxina web del Club Xeitu: http://www.xeitu.es/20113_certamen_convocatoria.html

LA PLATAFORMA EN DEFENSA DEL LLIONÉS YA’L GALLEGU, CREYADA DE RECIÉN CEL·LEBRA SUS SIGUNDAS XORNADAS

Hai cousa dun mes mas ou menos apresentouse cunas suas aquesta prataforma formada pur asociaciones venceyadas al llionesismu cevil, nu llugare llionés Villasrubias, na comarca El Rebolla, al Norte de la Sierra de Gata, llende trifronteriza cun Estremaúra ya’l stáu purtués.
Nesa prumer apaición falouse de la situanza llingua asturllionesa y la gallegu-purtuesa en llugares nos que pesia siguir viva cuorre perigru pula diglosia social y la falta datencion pula parte de las alministraciones de governiu.

Aquesta vuelta l’eventu yia na hestórica capital del pueblu Astur. Estorga

PROGRAMA

XORNADA SOBRE PATRIMONIU LLINGÜÍSTICU

XORNADA SOBRE PATRIMONIO LINGÜÍSTICO

JORNADA SOBRE PATRIMONIO LINGÜÍSTICO

Sábadu 26 de marzu del 2011, Estorga (Llión)

11:00 Presentación de la Xornada por D. Enrique Soto de Soto, Teniente-Alcalde d’Estorga.

11:30 “Pasado, presente y futuro del habla de El Rebollar (Salamanca): perspectiva general”, por D. Ángel Iglesias Ovejero (Catedráticu eméritu de la Universidá d’Orléans y miembru de Documentación y Estudio de El Rebollar).

12:15 “La toponimia mayor de las áreas falantes de gal.lego(portugués) ya (astur)l.lionés de L.lión ya Zamora: estáu actual ya prospectiva del sou conecimientu”, por D. Fernando Álvarez-Balbuena García (Profesor de Filoloxía Románica de la Universidá d’Uviéu y miembru de la Xunta Asesora de Toponimia del Principáu d’Asturies).

13:00 “El patrimonio lingüístico de Castilla y León. Estatuto y realidad”, por D. José Ignacio Martín Benito (Catedráticu d’Historia y Xeografía nel IES León Felipe de Benavente, Presidente del Centro de Estudios Mirobrigenses, Procurador nas Cortes de Castiella y Llión pol PSOE).

16:30 “Tutela de las llinguas minorizadas na Comunidá Autónoma de Castiella y Llión nel marcu européu y estatal”, por D. José Manuel Pérez Fernández (Profesor de Dereitu alministrativu de la Universidá d’Uviéu, especialista en Dereitu llingüísticu y coordinador del llibru “Estudios sobre el estatuto jurídico de las lenguas en España”).

17:15 “Una aproximación a la dimensión social y ecollingüística del asturllionés”, por Dª María Cueto Fernández (Becaria pre-doctoral del Departamentu de Filoloxía Española de la Universidá d’Uviéu).

18:00 “A minoría lingüística galegueira en O Bierzo”, por D. Xabier Lago Mestre (miembru del Colectivo Cultural Fala Ceibe).

18:45 “El asturleonés en el noroeste de Zamora: situación actual y colectivos de fidelidad lingüística”, por D. José Alfredo Hernández Rodríguez (miembru de l’Asociación Cultural Zamorana Furmientu).

19:15 Clausura de la Xornada por D. Juan José Alonso Perandones, Alcalde d’Estorga.

ORGANIZA

PLATAFORMA D’ASOCIACIONES EN DEFENSA DEL LLIONÉS Y EL GALLEGU / PLATAFORMA DE ASOCIACIÓNS EN DEFENSA DO GALEGO E O LEONÉS

COLLABORA

ILMU. AYT. D’ESTORGA

Las sesiones tendrán llugar na

BIBLIOTECA MUNICIPAL D’ESTORGA

C/ Luis Braille s/n (entrada llibre)