Música satírica na Nuesa Llingua

You tinía dous xatus pintus (valime)

y’arimeilus a la braña

ya nel mediu del camín (valime)

alcordeime de Mariana

deixéi lus mious xatus solus (valime)

ya dí la vuolta pa casa

deixei las puortas abiertas (valime)

y’atopeilas bien trancadas

pur delantre sin clavixos (valime)

pur dientru cun buonas trancas

¿qué fais ahí Mariana? (valime)

¿qué fais tan suola en casa?

tou metiendu ya sacandu (valime)

camisas de la colada

¿qué yá aquellu que ta allí? (valime)

¿debaixu la nuosa cama?

yiá’l gatu del siñor cura (valime)

que vien ve-la nuosa gata

Nunca vi gatu comu esi (valime)

cola corona rapada

Traigo la’scopeta al llombu (valime)

bien preparada pa caza

¡calla calla buon maríu! (valime)

¡nun mates al cura en casa!

A ti va chate unus calzones (valime)

y’a mí va chame una salla

y’a la criada un mandil (valime)

para que nun diga nada…

Advertisements